التسميات: فضفضة

السلام عليكم ورحمة الله وبركاته

من فوق
أو
من اليمين أو من الشمال
أو
من تحت

بقدم اعتذارى لكل اخوانى و أخواتى برده اللى نورونى فى فترة غيابى

يمكن كنت تسرعت فى القرار أو اتهمت نفسى بسرعة الاختيار

بس الأهــم انى اعتذر على الــفرار

................................

بجد المدونة وحشتنى جدًا ....

أخيــرًا تجرأت و هكتب بوست جديد بعد الغياب الطويييييييييييييييل ده

أكثر من مــره أفتح هذه الشاشه أمامى

ولكن ..

يكون مصيرها .. النسيان

يااااااااااااااااااااااااااه أخر بوست كان فى اكتوبر 2007

مـــر 6 أشهر على المدونة ولم استطع ........

أنــا فعلا محتاج فتره أخرج اللى جوايا


بداية الامتحانات يوم 19 / 5 / 2008

و النهاية يوم 3 / 6 / 2008

ان شاء الله

بالله عليكم ... ادعولى

استودعكم الله الذى لا تضيع ودائعه

التسميات: فضفضة

التسميات: جامعتى

سلام الله عليكم ورحمته وبركاته

اخوانى و اخواتى طلبة وطالبات جامعة المنصورة

تحية طيبة مباركة مليئة بكل ألوان العدل و الحرية و الديموقراطية و النزاهة و ..

بعد ان تم شطب أسماء طلاب الاخوان المسلمين و العديد من الطلاب الغير منتمين الى اى اتجاه .


كان من المتوقع حدوث رد فعل لكل هذه المهازل التى تحدث امام أعين الناس دون خجل - معتش فيه دم -

فقد قام الطلاب بعمل مسيرة " سلمية " احتجاجية على شطبهم وسط أجواء مشحونة بالبلطجية و محملة ببعض القوات الخاصة التي بالفعل دخلت أسوارا الجامعة لأول مرة ، استمرت المسيرة نحو ثلاث ساعات .

وكان خط سير هذه المسيرة بدءا من كلية الطب و طب بيطري و صيدلة و انتهت بكلية تربية.

و كان الملحوظ في المسيرة أن المشترك فيها ليس فقط طلاب الإخوان المسلمين ولكن كان فيها طلاب عاديين و لكن ظلموا أيضا و شعروا بمسئوليه تجاة هذه القضية .

وارتفع صوت الهتاف بالمسيرة ازاء شطبهم بدون وجه حق .

و استفهامهم ..

" من اللى بيحكم الكلية ؟ العميد ولا الداخلية ؟ "

و تخللت المسيره بعض الآيات القرآنية عن الظلم و دعاء على الظالمين و أن بيننا و بينهم الله سبحانه و تعالى .

* * * * * * * * * *

ثم كان الاعتصام أمام مبنى رئيس الجامعه فى تمام الساعة الواحدة بعد الظهر

























* * * * * * * * * *

وتحية خاصة لمصورى الأمن

* * * * * * * * * *

وعندما حاول وفد من الحاضرين الصعود لمقابلة رئيس الجامعه للتكلم معه تم منعهم

* * * * * * * * * *

ده حتى كان فيه دكتور بيحاول يطلع ولكن كان مصيره مثلنا

* * * * * * * * * *

وكان للأمن و المخبرين و المراقبين و ..... أيضا نصيب فى هذا اليوم

* * * * * * * * * *

وكان أيضا للباب الخلفى لمبنى رئيس الجامعه دور فى تعطيل دخول و خروج الموظفين فى هذه الأثناء

* * * * * * * * * *

وفى النهاية ختم الحاضرون وقفتهم بالدعاء على الظلم و المفسدين .

التسميات: جامعتى

السلام عليكم ورحمة الله وبركاته

عــدنــــا بعد غيـــــــــــــــــــاب طــويـــــــــــــــــــــل اليكم بحمد الله و الله وحشتونى جدًا بس فعلا كان الواحد مضغوط جدًا ، و أكيد انا مقصر جدًا على الأقل كنت المفروض انزل موضوع اعتذر فيه عن عدم تواجدى بالأخص للناس اللى كانت بتدخل بتلاقى موضوع التاج ده وكمان للناس اللى ردت على اخر بوست انا مش عارف أقولكم ايه .... بعتذر كمان للمدونين اللى كنت بتقابل معاهم و بنتكلم فى هذه الامور وانا اصلا متغيب عن التدويين صراحة بقولكم من صميم قلبى ( انا أسف )

فى البداية ...

تحية كبيرة لطلاب جامعة المنصورة

لهم منى أرقى تحية و بقولهم سامحونى نفسى اعمل حاجة عشانكم ، بس للأسف المره دى مش هعمل حاجة اكتر من الكلام هكتفى بالشكر فقط .

- - - - - - - - - - - - -

لذلك يسرنى ان أوجه رسالة شكر و تقدير
لكل من :

* رئيس جامعة المنصورة .

* ادارة رعاية الشباب بالجامعه .

* عمداء الكليات .

* حرس الجامعه .

* رعاية الشباب بكل كلية ( خاصة صيدلة ) .

* قائد حرس كل كلية .

* أيضا جميع مخبرى الأمن داخل أسوار الجامعه من عمال و موظفين و طلاب و طالبات و دكاتره برده .

* أيضا بوجه شكر كبييييييييير للكام عربية أمن مركزى اللى بيقفوا كل يوم عند بوابات الجامعه .

وبقولهم من قلبى

( شــكــــــرًا )
.
.
.
.

أيوه يا جماعه انتوا مش مصدقين ولا ايه

متخليك معايا كده يا عم احمد انت فين يا محمود مش انت كنت بتقول كده يا خالد
فاكر يا معاذ بالظبط كده يا عبد الله .

شكرًا على زيادة المصاريف

شكرًا على الـ 50 جنيه بتوع كل مادة تخلف

شكرًا على تزوير الانتخابات

شكرًا على اسعار الكتب اللى فى العالى

شكرًا على مجانية التعليم الزائفة

شكرًا على دعم الفقراء

شكرًا على تعيين المعيديين اللى فى الاحلام

شكرًا على الانحطاط الأخلاقى داخل اسوار الجامعة

شكرًا على نشر الفساد

شكرًا على كل حاجة بتعملوها



شكرًا مغلفة بالشيكولاته
....................

التسميات: فضفضة

..................

شخصية كارتونية بتحبها؟

أمرر التاج الى

بيدو - زى الشمس

طالب اخوانى - عنده أمل

عبد الرحمن - غــريب ربنا يرجعه بالسلامة

البوسطجى 2

الشاعر

السلام عليكم ورحمة الله وبركاته
إخواننا و أخواتنا الأفاضل
تحية طيبة وبعد

فى يوم جميل و الشمس كانت ساطعة و البحر كان على يسارنا و الشارع برده كان على يميننا بس الشمس كانت ساطعه زيادة عن اللزوم بس احنا طبعا متفائلون علشان كده رحنا هناك ، فقد أقام إخوانكم طلاب الإخوان المسلمين بجامعة المنصورة مهرجانا فنيــا بنقابة الصيادلة بطلخا تحت عنوان

:: متفائلون ::

وذلك يومى الخميس و الجمعة الموافقان 26 / 7 ، 27 / 7
حيث بدأ تجمع الطلاب منذ الساعة الخامسة عصرًا ، و في تمام الساعة السادسة كانت بداية المهرجان والذي انطلق بآيات من الذكر الحكيم وبعدها كانت المقدمة والتي احتوت على كلمات جذبت إليها القلوب قبل الآذان

وبعدها دخل فريق الإنشاد لينطلقوا مع أول نشيد وكان بعنوان
يا قدس إنا قادمون
ثم نشيد سأسئل ربى
ثم نشيد يابا القدس نادت

وبعدها أمتعتنا اللجنة الفنية بعرض فني قصير ( اسكتش ) تحت عنوان
حمو ينصر فلسطين

وبعدها دخل فريق الإنشاد ليستكموا الأناشيد
بداية بنشيد من رحم الأرض
ثم نشيد عالأقصى شدوا الرحال
ثم نشيد ايــه أمي

ثم كان الاسكتش الثاني و الذي حمل عنوان
مفيش للخاينيين ما بينا مكان

ثم دخل فريق الإنشاد بنشيد رائع
يا حماس الحرة
ثم آخر نشيد قومى يا أمة

.....

وكان ما شاء الله الجمهور متفاعل جدًا مع الأناشيد
اتفرجوا كده معايا على الصور دى

صور عامة من المهرجان

خدوا بقى الصورة الجامدة دى

و الصورة الجاية دى بتاعة باب النادى مش عارف عندى مزاج أحطها فى اخر الموضوع

و الصورة اللى جايه دى هدية منى ليكم
بس انا مصغر حجمها شويتين
معلش أصل الدنيا حر

بالمناسبة الصور دى مصرح بنشرها للنت مش لازم حد يستأذن قبل ما ينشرها

بس اللى ينشرها يا ريت يسمعنا رأيه فى المهرجان و الا ..... مش هيلاقى له مكان على خريطة الجغرافى

بالنسبة للفدييو

مش هينفع ينزل على النت قبل ما يتباع
بس ممكن ننزلكم اسكتش كده ولا حاجة

دعايا فقط

بس الاسطوانه ان شاء الله هتعجبكم
وهى هتنزل فى الصيادلة قريب ان شاء الله
والسعر جمسه جنيه بعد الخصم
ههههههه

القاكم على خير ان شاء الله

أخوكم

التسميات: جامعتى