هنقضيها صور بقى النهارده ونستنى التعليقات اعتبروها اول تدوينة ###### مع اول صورة من ميت غمر ونقول ألووووووووووووه
عملوها الوحوش ... يا رتنى كنت معاهم ......................................................................................
والصورة التانية من أمام مقرالنائب الأستاذ محمد عبدالباقى بطلخا ونقول برده ألوووووووه
محدش يفهمهم غلط : هما سمعوا ان فيه دورية اسرائيلية هتعدى من هنا فهما مستنينهم امال فى خدمة الأوطان ازاى ......................................................................................
والصورة التالته لواحد كلاب الأمن عضته عند اللجنة وبرده هنقول الراجل ده غلطان هوه فيه حد يروح ينتخب وهو لابس نص كوم لأ وايه كان بيحاول يخش اللجنة ... حاجة غريبة والله ......................................................................................
والصورة الرابعة من مدونة الصورة بتتكلم على اساس ان المدونة لها لسان
نصيحة يا بنى : اقرا الأسئلة كلها وابدأ حل الأسهل ومتسيبش سؤال فاضى وفى الأخر متنساش تعلم على رموز الجمل ...................................................................................... والصورة الخامسة من دمياط .... فسحوووووووووووووه على راى الدكتور يسرى
متخافش يا كابتن هنجيب حاجة حلوة من الميكروباص دهوه عرفتوا بقى واجب الضيافة حرام عليكو بقى متظلموش حد الناس حلوه اهيه وبتكرم الضيوف وبتفسحهم كمان ...................................................................................... موقف حصل يوم الانتخابات
كنت وواحد معرفة رايحين لجنه كده فى بلقاس مش فاكر اسم المدرسة ايه هبقى اساله واقولكم المهم احنا دخلنا المدرسة من هنا لقينا اتنين قاعدين على دكة تحت فى الحوش ومعاهم دفتر مش عارف بينه كان دفتر الغياب المهم لقيناه بيقولنا شوفت فلم اللمبى يا كابتن عارف ساعة لما كان فى الميتم وجاله واحد بس يعزيه وكان جايله غلط اللمبى قاله ايه قولناله ... ايه قال انا عايزك تنتشر فى المكان
أهوه انا بقى بقولكم انتشروا فى المدرسة فطبعا ضحكنا يعنى هنسيب الراجل كده من غير ما نواسيه
المهم روحنا بقى ننتشر طلعنا على السلالم لقينا رجالة الحزب قاعدين على السلم بيشبروا شاى وسجاير المهم الراجل اللى كان معايا لقيت عسكرى كده بيندهله بيقوله اخير ًا يا عم حد جه انت قريب استاذ ..... المرشح ضد القمحاوى صاحبى :لقيته بيقوله ايه ده انت عرفت ازاى العسكرى : يعنى فيك شبه كبير منه صاحبى :تصدق انت اول واحد يقولى كده النهارده العسكرى : لأ ازاى يا عم ده انا حافظ صورته وقام مطلع الصورة من جيبه المهم الراجل اللى كان معايا اعد يشتغل فى الراجل وانا عايز اضحك بس ماسك نفسى ودخلت انا ابص بصة كده على الفصول لقيت الرجالة الله ينور ولو كانت اتصورت فيديو كانت هتبقى مسخرة لكن للأسف مجتش فرصة مناسبة بس
الإسم:
محمد الجغرافى الإقامة:
Mans, D.K, Egypt عنى:
واحد زيكم بالظبط بس نفسى فى حاجة وممكن الحاجة دى تبقى نفسكم فيها برده ... قولوا يا رب See my complete profile
